12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
15 օրից որոշ դեղեր չեն վաճառվի առանց էլեկտրոնային դեղատոմսի․ որքանով է համակարգը պատրաստ նոր կարգին. ՏԵՍԱՆՅՈՒԹ
13.02.2024 | 21:41
Երևանի թիվ 14 պոլիկլինիկայի թերապևտ Շուշան Մանուկյանը «Արմեդ» համակարգով էլեկտրոնային դեղատոմս է մուտքագրում։ Մարտի 1-ից մի շարք դեղամիջոցներ գնելու համար անպայման պետք է էլեկտրոնային դեղատոմս պետք։ Խոսքը վերաբերում է հակաբակտերիային, հակասնկային, հակամիկոբակտերիային, հակավիրուսային դեղերին, իմունային շիճուկներին և իմունոգլոբուլիններին, պատվաստանյութերին և միզոպրոստոլ պարունակող դեղերին։
ԱՆ դեղորայքային քաղաքականության և բժշկական տեխնոլոգիաների վարչության պետ Մարինա Հարությունյանն ընդգծում է՝ այսօր հակաբիոտիկ օգտագործողների 60-70 տոկոսը դրա կարիքն ընդհանրապես չունի։ Իսկ թերապևտը պատմում է՝ հաճախ բուժառուները գալիսս են՝ արդեն դեղատան աշխատակցի կամ հարևանի խորհրդով տարբեր տեսակի հակաբիոտիկներ օգտագործած։
Ինչպե՞ս է գործելու մարտի 1-ից ուժի մեջ մտնող նոր կարգը․ Առողջապահության նախարարությունից տեղեկացնում են, որ քաղաքացին պետք է մոտենա այն պոլիկլինիկա, որտեղ հաշվառված է, ներկայացնի իր գանգատները, իսկ բժիշկը բաց թողնի էլեկտրոնային դեղատոմս։ Դրանից հետո քաղաքացին կարող է մոտենալ ցանկացած դեղատուն, դեղատան աշխատակցին ներկայացնել անձը հաստատող փաստաթուղթ և գնել բժշկի նշանակած դեղամիջոցը։
Նախարարության դեղորայքային քաղաքականության և բժշկական տեխնոլոգիաների վարչության պետը համոզված է, որ նոր փոփոխությունը կնպաստի ինքնաբուժմամբ զբաղվողների թվի նվազմանը։ Իսկ ինչպե՞ս է նախարարությունը վերահսկելու էլեկտրոնային դեղատոմսի կիրառումը։ Հարությունյանի խոսքով՝ գերատեսչությունը շարունակում է քննարկումներ իրականացնել դեղատների հետ, որոնք աստիճանաբար միանում են «Արմեդ» համակարգին։
2025 թվականի հունվարի 1-ից բոլոր դեղատոմսերը կլինեն բացառապես էլեկտրոնային։ Որքանով նոր կարգն արդյունավետ կլինի և քաղաքացիներն ու դեղատները կհետևեն դրան՝ դժվար է ասել։ Փաստ է, որ խնդրի կարգավորման փորձեր եղել են նաև նախկինում, բայց այդպես էլ արդյունք չեն տվել։ Օրինակ՝ դեռևս 2016-ի դեկտեմբերին ընդունված «Դեղերի մասին» օրենքով տուգանքներ էին սահմանվել առանց դեղատոմսի հակաբիոտիկների վաճառքի համար, սակայն մինչ օրս ցանկացած դեղատնից հնարավոր է ձեռք բերել այդպիսի դեղորայք՝ առանց բժշկի նշանակման։
Մանրամասները՝ տեսանյութում։
Անի Թամրազյան
