14.12.2025 | 11:41
Ապարանի համայնքապետարանը՝ քամու պատճառած վնասների մասին
Ոստիկանությունից պահանջում ենք բացահայտել՝ ինչ նպատակով են նշյալ անձինք օրեր շարունակ հետապնդել Արշակ Սարգսյանին․ «Մայր Հայաստան»-ի հայտարարությունը
Քաղաքականություն
01.02.2024 | 23:01
Երևանի ավագանու «Մայր Հայաստան» խմբակցությունը հայտարարություն է տարածել՝ տեղեկացնելով, որ խմբակցության ավագանու անդամ Արշակ Սարգսյանին հետապնդել են մի խումբ անձինք՝ օգտագործելով նաև առանց պետհամարանիշի ավտոմեքենա:
«Երևանի ավագանու «Մայր Հայաստան» խմբակցության ավագանու անդամ Արշակ Սարգսյանը հաղորդում է ներկայացրել ՀՀ ոստիկանություն այն մասին, որ նախորդող 15 օրերի ընթացքում իրեն հետապնդել են մի խումբ անձինք՝ այդ թվում օգտագործելով առանց պետհամարանիշի ավտոմեքենա:
Այդ ավտոմեքենան ոստիկանության կողմից հայտնաբերվել է, դրանում գտնվող անձանց իրավապահները բերման են ենթարկել:
Մենք ոստիկանությունից պահանջում ենք բացահայտել, թե ինչ նպատակով են նշյալ անձինք օրեր շարունակ հետապնդել Արշակ Սարգսյանին և հանդես գալ համապատասխան իրավական գնահատականով, ձեռնարկել անհրաժեշտ քայլեր»,-մասնավորապես ասված է հայտարարության մեջ:
Հիշեցնենք, որ օրեր առաջ տեղեկություն էր տարածվել, որ առևանգվել է Երևանի ավագանու «Մայր Հայաստան» խմբակցության անդամ Նարինե Հայրապետյանը։ Նա տեսանյութ էր հրապարակել, որտեղ ասում էր, որ ստիպված է եղել լքել հայրենիքը ու քաղաքական ապաստարան գտնել այլ երկրում։
