14.12.2024 | 16:15
Վրաստանի նախագահ է ընտրվել ազգային հավաքականի նախկին ֆուտբոլիստ Միխայիլ Կավելաշվիլին
Դեսպան Գալստյանը և Ռումինիայի ԱԳՆ պետքարտուղարը քննարկել են տարածաշրջանային անվտանգության հարցեր
Քաղաքականություն
31.01.2024 | 22:36
Հունվարի 31-ին Ռումինիայում Հայաստանի Հանրապետության արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի ԱԳՆ պետքարտուղար Յուլիան Ֆոտայի հետ։ Այս մասին տեղեկացնում են Ռումինիայում ՀՀ դեսպանությունից:
Հանդիպման շրջանակներում քննարկվել են հայ-ռումինական հարաբերությունների հետագա ամրապնդման ուղղությամբ իրականացվելիք քայլերը և այդ նպատակով տարբեր ոլորտներում երկկողմ համագործակցության ընդլայնման հեռանկարները։ Երկուստեք ընդգծվել է երկու երկրների համար փոխշահավետ տնտեսական ծրագրերի իրականացման պատրաստակամությունը։
Անդրադարձ է կատարվել ՀՀ-ԵՄ գործընկերության խորացմանն առնչվող հարցերին։ Մտքեր են փոխանակվել տարածաշրջանային անվտանգության և միջազգային օրակարգի մի շարք հարցերի շուրջ։
