Սևանի հանձնաժողովը օրինականացնում է հակաօրինական ջրառը․ այն պետք է ցրել․ Սեյրան Մինասյան․ ՏԵՍԱՆՅՈՒԹ

Սևանի էկոհամակարգին չի կարելի վերաբերել այնպես, ինչպես մենք ենք անում, սա, կարելի է ասել, բարբարոսություն է Սևանի նկատմամբ, և,  կարծում եմ, որ ՀՀ վարչապետ Նիկոլ Փաշինյանի հանձնարարականը շատ տեղին է, միայն թե,  մնում է հասկանալ, թե այդ հանձնարարականն ի՞նչ ձևով կիրականացվի։

Այս մասին այսօր հրավիրված մամուլի ասուլիսի ժամանակ ասաց Քիմիական ֆիզիկայի ինստիտուտի ավագ գիտաշխատող, քիմիական գիտ. թեկնածու Սեյրան Մինասյանը։

«Հայաստանում տարեկան գոյանում է 7 մլրդ խորանարդ մետր վերականգնվող ջրային պաշար, որը լիուլի բավարար է բոլոր կարիքները բավարարելու և ոռուգումն իրականացնելու համար՝ առանց Սևանը վնասելու։ Պարզապես, փնթի, վատ կառավարման արդյունքում ջրի կորուստները հասնում է 70-80 տոկոսի և այդ պարագայում ջուրը բավարար չէ, որի համար վերցնում են Սևանից։ Միևնույն ժամանակ՝ 1900 մետր բարձրությունից ջուրը բաց են թողնում և նաև հոսանք են ստանում»,-ասաց նա։ 

Վերջինս նշեց, որ վատ կառավարման արդյունքում գյուղացին է նաև կանգնում վատի և վատագույնի ընտրության առջև,  քանի որ հավելյալ ջրառի իրականացման համար ընգծում են, թե գյուղացուն պետք է ջուր հասցնեն։ 

«Ջրպետկոմ, Բնապահպանության նախարարություն, սրանք են թերանում։ Սևանի հանձնաժողովն էլ, պարզապես, օրինականացնում է Սևանից հակաօրինական ջրառը, քանի որ չորս տարի փորձագիտական եզարակացություն է տվել, որ ջրառը դրական կազդի, սակայն, նրանց եզրակացությունը ստացել է բացասական գնահատական։ Նման եզրակացություն տվող հանձնաժողովը պետք է ցրել, նրանք վարկաբեկում են փորձաքննություն գաղափարն ընդհանրապես»,-ասաց նա՝ ընդգծելով, որ այս տարի այդ հանձնաժողովը տվել է այնպիսի եզրակացություն, որի արդյունքում տրվել է 14 սմ-ի սխալ գնահատական, իսկ 14 սմ-ը հավասար է 175 մլն խորանարդ մետր ջրի ծավալի։

Մանրամասները՝ տեսանյութում։