05.06.2026 | 18:30
ՌԴ-ի սանկցիաներին պետք է դիմանալ և դիմակայել․ ՀՀ ինքնիշխանությունը սակարկելի չէ․ Գարեգին Չուգասզյան․ ՏԵՍԱՆՅՈՒԹ
Ռուբեն Վարդազարյանի գործով դատական նիստը՝ ՈՒՂԻՂ
Հասարակություն
12.12.2024 | 10:18
Հակակոռուպցիոն դատարանում` նախագահությամբ դատավոր Վահե Դոլմազյանի, շարունակվում է ԲԴԽ նախկին նախագահ Ռուբեն Վարդազարյանի գործի քննությունը: Վարդազարյանը մեղադրվում է արդարադատության իրականացմանը միջամտելու մեջ:
Ըստ քրեական գործի` նա, ԲԴԽ նախագահը լինելով, Լոռու մարզի ընդհանուր իրավասության դատարանի դատավոր Անդրանիկ Սիմոնյանին հորդորել, խնդրել է կալանքի տակ գտնվող քրեական հեղինակություն «Ալավերդցի Վահագնի»` Վահագն Աբգարյանի խափանման միջոցը փոխել: Վարդազարյանի դեմ հաղորդումը ներկայացրել է Սիմոնյանը, որից հետո նա նշանակվել է ԱԱԾ պետի տեղակալ: Վարդազարյանի նկատմամբ քրեական հետապնդում հարուցվելուց հետո ԲԴԽ նախագահի պարտականությունները կատարել է ԲԴԽ անդամ Գագիկ Ջհանգիրյանը:
Քրեական գործի քննության ընթացքում րապարակվել է մի ձայնագրություն, որում Գագիկ Ջհանգիրյանը Վարդազարյանին հորդորում է հրաժարական տալ ԲԴԽ նախահագի պաշտոնից` փոխարենը խոստանալով այնպես անել, որ Վարդազարյանի վերաբերյալ գործը կարճվի: Այսօրվա նիստի ընթացքում Վարդազարյանի պաշտպան Երեմ Սարգսյանը հանդես է գալիս պաշտպանական ճառով։
