10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
ԱՄՆ-ը կարող է «իրանական» պատժամիջոցներ կիրառել ռուսական նավթի դեմ
Քաղաքականություն
11.12.2024 | 22:37
ԱՄՆ իշխանությունները պատրաստվում են խստացնել ռուսական նավթի արտահանման դեմ պատժամիջոցները և դիտարկում են այնպիսի միջոցներ, որոնք նախկինում կիրառվել են Իրանի նավթային հատվածի դեմ, Bloomberg-ին հայտնել են իրազեկ աղբյուրները։
Ըստ նրանց՝ ԱՄՆ նախագահ Ջո Բայդենը երկար ժամանակ հրաժարվում էր կոշտ սահմանափակումներ մտցնել, քանի որ վախենում էր, որ դրանք կհանգեցնեն էներգակիրների գների կտրուկ աճի, հատկապես նախագահական ընտրությունների նախաշեմին: Սակայն այժմ Սպիտակ տունը պատրաստ է «ավելի ագրեսիվ գործողությունների», քանի որ նավթի գներն ընկել են համաշխարհային գերբեռնվածության պայմաններում:
Բայդենի վարչակազմը նաև մտավախություն ունի, որ նորընտիր նախագահ Դոնալդ Թրամփը կարող է ստիպել Ուկրաինային «արագ գործարք կնքել Ռուսաստանի հետ»։
Սահմանափակումների մանրամասները դեռ հաստատված չեն, նշում են Bloomberg-ի աղբյուրները։ Եթե նույն պատժամիջոցները սահմանվեն, ինչ Իրանի նկատմամբ, ապա ԱՄՆ-ը կկարողանա պատժել ռուսական նավթի գնորդներին։
Սակայն կան լուրջ ռիսկեր, քանի որ Չինաստանը, Հնդկաստանը և այլ հզոր երկրներ Ռուսաստանից զգալի քանակությամբ վառելիք են գնում: Նման միջոցները կարող են արագորեն հանգեցնել նավթի գների աճի, համաշխարհային տնտեսության դժվարությունների։
Թարգմանությունը՝ Տաթև Ֆռանգյանի
