30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Մեկ տարվա ընթացքում ԱՄՆ-ի սահմաններին ՌԴ-ից 43 հազար անօրինական ներգաղթյալ է ձերբակալվել
Քաղաքականություն
24.01.2024 | 22:44
Անցյալ տարի ԱՄՆ-ի հարավային սահմաններին ձերբակալվել է Ռուսաստանի 43 հազար քաղաքացի։ Այս մասին հայտնում է ռուսական Baza Telegram-ալիքը՝ հղում անելով The Economist-ին։
Համեմատության համար բերված են տվյալներ. 2021 թվականին Ռուսաստանի Դաշնությունից կալանավորված քաղաքացիների թիվը եղել է ընդամենը 4 հազար, այժմ նրանց թիվն աճել է գրեթե 11 անգամ։
ԱՄՆ-ի սահմաններին ձերբակալվածների մեծ մասը (բացառությամբ՝ Լատինական Ամերիկայի երկրների քաղաքացիների) BRICS երկրներից են, այդ թվում՝ Ռուսաստանից, Հնդկաստանից և Չինաստանից:
2023 թվականին ԱՄՆ-ի հարավում կալանավորվել է 42 հազար հնդիկ և 24 հազար չինացի (2021 թվականին՝ համապատասխանաբար 2600 և 450)։ Սակայն, ըստ աղբյուրի, մինչ ռուսները փորձում են ԱՄՆ հասնել հիմնականում հարավային սահմաններով, հնդիկները և չինացիները հաճախ ընտրում են Կանադայով երթուղին։
Ավելի վաղ հաղորդվել էր, որ երեք օրվա ընթացքում ավելի քան 1,6 հազար անօրինական ներգաղթյալներ վայրէջք են կատարել Կանարյան կղզիներում։
