07.11.2026 | 12:15
Վթարային ջրանջատում Երևանի Էրեբունի վարչական շրջանում
ԱՀԿ-ն կոչ է արել կարմրուկի դեմ հրատապ պատվաստումներ սկսել
Քաղաքականություն
24.01.2024 | 22:30
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Առողջապահության համաշխարհային կազմակերպությունը եվրոպական տարածաշրջանում կարմրուկով վարակման աճի ֆոնին կոչ է արել արագորեն պատվաստումներ սկսել։ ԱՀԿ-ի տվյալերով՝ 2023 թվականի 10 ամիսների ընթացքում Եվրոպայում գրանցվել է այս հիվանդության 30 անգամ ավելի շատ դեպք, քան մեկ տարի առաջ էր, երբ հիվանդների թիվը կազմել է 941։
Նշվում է, որ 2023 թվականին 41 անդամ երկրները հայտնել են հիվանդությամբ վարակման 42,200 դեպքի մասին։ Ամենից շատ վարկվածության դեպքեր են գրանցվել Ղազախստանում՝ 13,677 դեպք, որը համապատասխանում է 1 միլիոն մարդու հաշվարկով 639 վարակման դեպքի։
Ենթադրվում է, որ կարմրուկի բռնկումը ԵՄ երկրներում պայմանավորված է COVID-19-ի համաճարակի պատճառով երեխաների պլանային պատվաստումների հետ կապված խնդիրներով։ Կազմակերպության գնահատականների համաձայն՝ այդ շրջանում չի պատվաստվել 1,8 միլիոն երեխա։
«ԱՀԿ կանխատեսումների համաձայն՝ վերջին ամիսներին կարմրուկով հիվանդացության դեպքերը կրկին աճել են, և եթե հրատապ քայլեր չձեռնարկվեն, այս միտումը, ամենայն հավանականությամբ, կպահպանվի»,- ասվում է հաղորդագրության մեջ։
