02.04.2026 | 18:45
Իրանում ավիահարվածի հետևանքով կարևոր կամուրջ է վնասվել
Հայաստանի տարածքային ամբողջականության ցանկացած խախտում լուրջ հետևանքներ կունենա Ադրբեջանի հետ մեր հարաբերությունների համար. Բորել
Քաղաքականություն
22.01.2024 | 22:02
ԵՄ-ն մտահոգված է ՀՀ տարածքի նկատմամբ Ադրբեջանի նախագահ Իլհամ Ալիևի հավակնություններից, և Հայաստանի տարածքի ամբողջականության ցանկացած խախտում կհանգեցնի Բաքվի համար լուրջ հետևանքների։ Այս մասին Բրյուսելում մամուլի ասուլիսում հայտարարել է ԵՄ արտաքին հարաբերությունների ու անվտանգության քաղաքականության բարձր ներկայացուցիչ Ժոզեպ Բորելը։
«Ալիևի տարածքային հավակնությունները լուրջ անհանգստություն են առաջացնում։ Հայաստանի տարածքի և ինքնիշխանության ցանկացած խախտում լրջագույն հետևանքներ կունենա Ադրբեջանի հետ մեր հարաբերությունների վրա»,- ասել է նա։
Բորելի խոսքով՝ ԵՄ երկրների ԱԳ նախարարները համաձայնել են, որ խաղաղության պայմանագրի շուրջ Ադրբեջանը պետք է վերադառնա Հայաստանի հետ առարկայական բանակցությունների։
Հիշեցնենք, որ այսօր ԵՄ ԱԳ նախարարների խորհրդի նիստում քննարկում էր նաև Հայաստանի ու Ադրբեջանի հարաբերությունների կարգավորման գործընթացը։
Էմմա Չոբանյան
