23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Գիտնականները Մարսի վրա ստորգետնյա սառույցի «հսկայական» հանքավայրեր են հայտնաբերել
Քաղաքականություն
19.01.2024 | 23:02
Եվրոպացի գիտնականները հաստատել են Մարսի վրա ջրային սառույցի ստորգետնյա «հսկայական» հանքավայրերի հայտնաբերումը: Հայտնագործությունը կատարվել է Կարմիր մոլորակի հասարակածային գոտում Մեդուզայի ճեղքվածքի ձևավորման ժամանակ, հաղորդում է Euronews-ը։
Սառցե շերտի հաստությունը մոտ 4 կիլոմետր է։ Նշվում է, որ դրա քանակը բավարար է ամբողջ մոլորակը մոտ երկու մետր խորությամբ օվկիանոսով ծածկելու համար։
Սառույցը կատարյալ մաքուր չէ, այն խիստ աղտոտված է փոշով և հրաբխային մոխրով: Այն գտնվում է շուրջ 300 մետր խորության վրա և ծածկված է ժայռերով ու նստվածքներով, ինչն անհնարին է դարձնում դրա արդյունահանումը մոտ ապագայում՝ կառավարվող արշավախմբերի վաղ փուլերում, նշում են մասնագետները։
Այնուամենայնիվ, հայտնագործությունը գիտնականներին հույս է ներշնչում, որ նման, թեև ավելի փոքր, բայց ավելի հեշտությամբ արդյունահանվող սառույցի պաշարներ կգտնվեն Մարսի հասարակածային գոտու այլ տարածքներում:
