15.01.2026 | 12:27
Նիկոլ Փաշինյանի ճեպազրույցը՝ ՈՒՂԻՂ
Ֆրանսիան Ուկրաինային ամսական մինչև 50 ավիառումբ կտրամադրի
Քաղաքականություն
18.01.2024 | 22:39
Ֆրանսիան մտադիր է մինչև 2024 թվականի ավարտը Ուկրաինային մատակարարել ամսական մինչև 50 ավիառումբ։ Այս մասին Le Figaro-ին տված հարցազրույցում հայտարարել է Ֆրանսիայի պաշտպանության նախարար Սեբաստիան Լեկորնուն։
Նա նշել է, որ ավիառումբերի մատակարարումները կսկսվեն 2024 թվականի հունվարից։ Ֆրանսիացի պաշտոնյան հայտարարել է նաև հրետանու համար նախատեսված զինամթերքի մատակարարումների ավելացման մասին՝ ամսական մինչև 3000 արկ։
«2022 թվականի փետրվարից մինչև 2023 թվականի վերջը Ֆրանսիան Ուկրաինային մատակարարել է ամսական 2000 արկ, իսկ հունվարից՝ ամսական 3000 արկ»,- ասել է Լեկորնուն։
Հիշեցնենք, որ Ֆրանսիան Ուկրաինայի զինված ուժերի կարիքների համար արտադրելու է 78 «Կեսար» ինքնագնաց հրետանային համակարգ։
