Քաղաքականություն
14.01.2024 | 18:53
Ուկրաինան անվտանգության համաձայնագրեր է մշակում ԱՄՆ-ի, Գերմանիայի, Ֆրանսիայի և մի շարք այլ երկրների հետ, ինչպես Միացյալ Թագավորության հետ ստորագրված փաստաթուղթը։ Այս մասին հայտարարել է Ուկրաինայի նախագահի աշխատակազմի ղեկավարի խորհրդական Վլադիսլավ Վլասյուկը. փոխանցում է ՏԱՍՍ-ը։
«Նույնանման փաստաթղթեր մշակվում են մի շարք այլ երկրների՝ ԱՄՆ-ի, Գերմանիայի, Իտալիայի, Ֆրանսիայի, Կանադայի, Լեհաստանի հետ: Գաղափարը բացարձակապես նույնն է. Ուկրաինայի անվտանգության երաշխիքները»,- ասել է նա:
Ուկրաինայի նախագահ Վլադիմիր Զելենսկին և Մեծ Բրիտանիայի վարչապետ Ռիշի Սունակը հունվարի 12-ին անվտանգության երկկողմ համաձայնագիր են ստորագրել։ Համաձայնագիրը վերաբերում է հետախուզական տեղեկատվության փոխանակմանը, կիբերանվտանգության ոլորտում համագործակցությանը, բժիշկների և զինվորականների վերապատրաստմանը, ինչպես նաև պաշտպանական արդյունաբերության ոլորտում համագործակցությանը։ Բացի այդ, համաձայնագիրը կպարտավորեցնի Մեծ Բրիտանիային «խորհրդակցել Ուկրաինայի հետ» Ռուսաստանի Դաշնության հետ հերթական հակամարտության դեպքում և Կիևին տրամադրել «հրատապ և երկարաժամկետ աջակցություն» պաշտպանության հարցերում:
