07.11.2026 | 12:15
Վթարային ջրանջատում Երևանի Էրեբունի վարչական շրջանում
Մեծ Բրիտանիան ստորագրել է Ուկրաինայի անվտանգության երաշխիքների մասին համաձայնագիրը՝ դառնալով նման երաշխիքներ տված աշխարհի առաջին երկիրը
Քաղաքականություն
12.01.2024 | 22:24
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Մեծ Բրիտանիայի վարչապետ Ռիշի Սունակը և Ուկրաինայի նախագահ Վլադիմիր Զելենսկին Կիևում անվտանգության ոլորտում համագործակցության մասին համաձայնագիր են ստորագրել։ Այն ներառում է Մեծ Բրիտանիայի կողմից Ուկրաինային անվտանգության երաշխիքների տրամադրումը։
Մեծ Բրիտանիան դարձալ է G7-ի առաջին երկիրը, որն Ուկրաինային անվտանգության երաշխիքներ է տվել։ ՄԹ վարչապետի գրասենյակից հայտնել են, որ համաձայնագրի շրջանակում, մասնավորապես, Մեծ Բրիտանիան պարտավորվում է Ուկրաինային «արագ և մշտական» ռազմական օգնություն տրամադրել «Ռուսաստանի կողմից կրկնվող հարձակման» դեպքում։
Բացի այդ, համաձայնագիրն ամրագրում է մի շարք միջոցառումներ, որոնք Մեծ Բրիտանիան ձեռնարկել և ձեռնարկելու է Ուկրաինայի անվտանգությունն ապահովելու համար, ներառյալ՝ հետախուզական տվյալների փոխանակումը, համագործակցությունը կիբերանվտանգության, բժշկական և ռազմական պատրաստության և պաշտպանական արդյունաբերության ոլորտում:
«Եթե 1991 թվականից հետո անվտանգության երաշխիքների նման մակարդակ ձեռք բերվեր Մեծ Բրիտանիայի և այլ երկրների հետ, ապա ռուսական ագրեսիան պարզապես չէր լինի»,- փաստաթղթի ստորագրումն այսպես է մեկնաբանել Ուկրաինայի նախագահ Վլադիմիր Զելենսկին:
Սունակն այսօր՝ հունվարի 12-ին, այցելել է Կիև՝ ստորագրելու անվտանգության ոլորտում համագործակցության համաձայնագիրը, ինչպես նաև հայտարարելու Կիևին 2,5 միլիարդ ֆունտ սթեռլինգ ռազմական օգնության նոր փաթեթի մասին, որը պետք է տրամադրվի 2024 և 2025 թվականների ընթացքում։
