12.08.2026 | 13:37
Նախագահը Մասիս Մելքոնյանին դատավոր նշանակելու հրամանագիրը չէր ստորագրել, բայց դա ձեզ հետաքրքիր չի. Վարդևանյան․ ՏԵՍԱՆՅՈՒԹ
ԱՄՆ-ն ու Բրիտանիան Կարմիր ծովը վերածում են արյան լճի․ Էրդողան
Քաղաքականություն
12.01.2024 | 22:10
Թուրքիայի նախագահ Ռեջեփ Թայիփ Էրդողանն անդրադարձել է Եմենում հութիների թիրախների դեմ ԱՄՆ-ի և Մեծ Բրիտանիայի ավիահարվածներին՝ նշելով, որ կիրառվում է անհամաչափ ուժ։ Ըստ Թուրքիայի նախագահի՝ Ամերիկան ներկայում նույն կերպ է օգտագործում այդ անհամաչափ ուժը Իսրայելում և Պաղեստինում, հաղորդում է TRT Haber-ը։
Իրանը նայում է, թե ինչպես կարող է իրեն պաշտպանել այդ ամենից, հավելել է Էրդողանը։
«Անգլիան Ամերիկայի հետ միասին արդեն քայլեր է ձեռնարկել այս գործընթացում և շարունակում է անել։ Ինչպես գիտեք՝ նրանք այժմ փորձում են Կարմիր ծովը վերածել արյան լճի։ Եմենն ասում է, որ անհրաժեշտ պատասխան կտա՝ լինի դա Ամերիկան, թե Անգլիան, տարածաշրջանում օգտագործելով իր բոլոր ուժերը»,- ասել է Թուրքիայի նախագահը՝ նշելով, որ տարբեր տեղերից լուրեր են ստանում, որ հութիները շատ հաջող պաշտպանություն են իրականացնում և հաջող պատասխան տալիս թե՛ Ամերիկային, թե՛ Անգլիային։
Հիշեցնենք, որ ԱՄՆ-ի և Մեծ Բրիտանիայի ավիացիան ու ռազմական նավերը հունվարի լույս 12-ի գիշերը հարվածներ էին հասցրել Եմենում հութիների ռազմական օբյեկտներին։
Էմմա Չոբանյան
