04.08.2026 | 19:57
ԱՄՆ-ը սպառել է իր հեռահար հրթիռների պաշարներն Իրանի հետ պատերազմում․ Reuters
Ադրբեջանն Ուկրաինային հերթական մարդասիրական օգնությունն է ուղարկել
Քաղաքականություն
11.01.2024 | 23:21
Ադրբեջանը հումանիտար օգնության հերթական խմբաքանակն է ուղարկել Ուկրաինա՝ բաղկացած էլեկտրական սարքավորումներից։ Տեղական լրատվամիջոցների փոխանցմամբ՝ ավոտաշարասյունը բաղկացած է 25 բեռնատարից, որը հումանտար բեռով շարժվել է Սումգայիթի տեխնոլոգիական պարկից։
«Բեռը ներառում է ավելի քան 677 հազար մետր էլեկտրական մալուխներ և լարեր, ինչպես նաև 22 կոմպլեկտ տրանսֆորմատորային ենթակայաններ»,- ասվում է Էներգետիկայի նախարարության հայտարարության մեջ։
Բեռը պատրաստվել է Ուկրաինայից ստացված հայտերի հիման վրա՝ 7,6 մլն դոլար ընդհանուր արժեքով։
Սա հումանիտար օգնության արդեն 4-րդ խմբաքանակն է, որ Բաքուն ուղարկում է Կիևին։ Առաջինն ուղարկվել էր 2023 թվականի հոկտեմբերի 30-ին, երկրորդը՝ նոյեմբերի 21-ին, երրորդը՝ դեկտեմբերի 8-ին։
Դեռևս 2023-ի հուլիսին Ադրբեջանի նախագահ Իլհամ Ալիևը հրամանագիր էր ստորագրել պետական բյուջեից 7,6 միլիոն դոլարին համարժեք մանաթ հատկացնելու մասին՝ Ուկրաինային մարդասիրական օգնություն տրամադրելու համար։ Դրա համաձայն՝ մարդասիրական օգնությունը ներառելու էր էլեկտրասարքավորումների գնում և Ուկրաինա փոխադրում։
Էմմա Չոբանյան
