14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
ՌԴ-ում «ձվի ճգնաժամի» պայմաններում՝ Թուրքիան ձվի երկրորդ խմբաքանակն է մատակարարել
Քաղաքականություն
09.01.2024 | 23:03
Թուրքիան Ռուսաստան ձվի երկրորդ խմբաքանակն է մատակարարել՝ 316,8 հազար հատ, գրում է Ինտերֆաքսը։
«Հունվարի 5-ին «Յարաղ-Կազմալյար» անցակետով Թուրքիայից ձվի երկրորդ խմբաքանակն է ներմուծվել ՝ 316,800 հատ՝ Ռուսաստանի տարածքում հետագա իրացման համար»,- ասվում է Ռոսսելխոզնադզորի հաղորդագրության մեջ։
Նույն քանակով առաջին խմբաքանակը ներկրվել էր հունվարի 3-ին։ Թուրքական 21 ձեռնարկություններ իրավունք ունեն ձու արտահանել Ռուսաստանի Դաշնություն։ Առաջիկայում ևս ՌԴ Թուրքիայից ձվի խոշոր խմբաքանակ է ներմուծվելու Նովոռոսիյսկ նավահանգստով։
2024 թվականի հունվարի 1-ից ձվի գների կտրուկ աճի ֆոնին Ռուսաստանի Դաշնությունը վեց ամսով զրոյացրել է դրանց ներմուծման մաքսատուրքը։ Ակնկալվում է, որ այս միջոցը թույլ կտա ներմուծել 1,2 մլրդ ձու և կկայունացնի գնային իրավիճակը։
Ռոսստատի տվյալներով՝ 2023 թվականի նոյեմբերին ՌԴ-ում ձուն թանկացել է 15,1 տոկոսով, տարեսկզբից՝ 35,5 տոկոսով, տարեկան արտահայտությամբ՝ 40,3 տոկոսով։
Դեֆիցիտն արագ լրացնելու ու գները կայունացնելու նպատակով ՌԴ կառավարությունը որոշել էր ձու ներկրել Ադրբեջանից, Թուրքիայից, ինչպես նաև Իրանից։ Ադրբեջանից արդեն 1 միլիոնից ավելի ձու է մատակարարվել։
Էմմա Չոբանյան
