12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
ՌԴ-ում «ձվի ճգնաժամի» ֆոնին Ադրբեջանից վերջին օրերին 1 միլիոնից ավելի ձու է մատակարարվել
Քաղաքականություն
26.12.2023 | 22:44
Ռուսաստանում ձվի ճգնաժամի պայմաններում, երբ փորձ է արվում բավարարել աճող պահանջարկն ու գների աճը, Ադրբեջանից մատակարարումները շարունակվում են։ Մասնավորապես, ադրբեջանական լրատվամիջոցները, վկայակոչելով «Ռոսսելխոզնադզոր»-ին, հայտնում են, որ Ադրբեջանից ՌԴ է արտահանվել ձվի երրորդ խմբաքանակը՝ 306,000 հատ։
«Դեկտեմբերի 24-ին Ադրբեջանից 18 տոննա (306 հազար հատ) սեղանի ձվի երրորդ խմբաքանակը ներմուծվել է Յարագ-Կազմալյար անցակետով՝ Ռուսաստանում հետագա վաճառքի համար»,- նշում է «Ռոսսելխոզնադզոր»-ը։
Ադրբեջանից ՌԴ ձվի առաջին մատակարարումները եղել էին դեկտեմբերի 19-ին (36 տոննա՝ 612 հազար հատ), երկրորդ խմբաքանակը՝ դեկտեմբերի 21-ին (18 տոննա՝ 306 հազար հատ)։
ՌԴ պետական վիճակագրական ծառայության տվյալներով՝ դեկտեմբերի 5-11-ը երկրում ձվի գներն աճել են 4,6 տոկոսով՝ տարեսկզբից գրանցելով 46,2 տոկոս աճ, ինչը սննդամթերքի շուկայում ամենաբարձր գնաճն է։
Դեֆիցիտն արագ լրացնելու համար ՌԴ կառավարությունը որոշել է ձու ներկրել ոչ միայն Ադրբեջանից, այլև Թուրքիայից և Իրանից։
Հավելենք, որ այս մատակարարումների ֆոնին Ադրբեջանում նկատվում է ձվի գնի բարձրացում։
Էմմա Չոբանյան
