15.09.2026 | 13:33
Վաշինգտոնում հայկական բրենդիի համտեսի երեկո է անցկացվել
Չկա նոյեմբերի 9-ի հայտարարությունը․ Արմեն Գրիգորյան
Քաղաքականություն
08.01.2024 | 23:21
«Նոյեմբերի 9-ի հայտարարությունը կամ պայմանագիրը հիմքն է եղել մոսկովյան բանակցությունների։ Հիմա չկա նոյեմբերի 9-ի հայտարարությունը, ԼՂ-ում հայ չկա, էթնիկ զտում է տեղի ունեցել, և Ռուսաստանը մեզ որևէ բացատրություն չի տվել այս առումով»,- «Առաջին ալիք»-ի եթերում հայտարարել է ԱԽ քարտուղար Արմեն Գրիգորյանը։
Լրագրողի դիտարկմանը, որ եռակողմ հայտարարության կողմերից որևէ մեկը ստորագրությունը հետ չի վերցրել, Արմեն Գրիգորյանը պատասխանել է․ «Ոչ ոք ստորագրությունը հետ չի վերցրել, բայց այլևս հայ չի մնացել ԼՂ-ում»։
Հիշեցնենք՝ Փաշինյանի, Պուտինի և Ալիևի կողմից հրադադարի համաձայնությունը և կողմերի պարտավորություններն արձանագրող փաստաթղթի ստորագրումից 3 տարի անց Factor TV-ն գրավոր հարցմամբ դիմել էր վարչապետի աշխատակազմին՝ խնդրելով պարզաբանել՝ արդյո՞ք պաշտոնական Երևանը շարունակում է այս փաստաթուղթը համարել գործող, թե՝ ոչ։ Հետաքրքրվել էինք նաև՝ արդյո՞ք Երևանը քննարկում է ՀՀ վարչապետի ստորագրությունը հետ կանչելու հարցը։
Factor TV-ին պատասխանել էին ՀՀ ԱԳՆ-ից՝ փոխանցելով հետևյալը․ «Անհրաժեշտության պարագայում ՀՀ-ն հանրայնորեն դիրքորոշում կներկայացնի բարձրացված հարցերի վերաբերյալ»։
