15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Հռոմի Պապը Հայաստանին և Ադրբեջանին խաղաղության պայմանագրի կնքման կոչ է արել
Քաղաքականություն
10.12.2023 | 17:26
Հռոմի Ֆրանցիսկոս Պապը իր ուրախությունն է հայտնել հայ և ադրբեջանցի գերիների ազատ արձակման կապակցությամբ։ Այս մասին նա խոսել է կիրակնօրյա քարոզի ժամանակ․ հաղորդում է vaticannews-ը։
«Ես մեծ հույսով եմ նայում Հայաստանի և Ադրբեջանի միջև այս դրական նշանին՝ Հարավային Կովկասում խաղաղության հաստատմանը»,- ասել է Հռոմի պապը՝ միաժամանակ խրախուսելով երկու ժողովուրդներին՝ իրենց առաջնորդների հետ «հնարավորինս շուտ» կնքել խաղաղության պայմանագիր։
Հիշեցնենք, որ դեկտեմբերի 7-ին Հայաստանի Հանրապետության վարչապետի աշխատակազմն ու Ադրբեջանի Հանրապետության նախագահի վարչակազմը համատեղ հայտարարություն էին տարածել։ Հայտարարության մեջ ասվում է, որ Ադրբեջանի Հանրապետությունն ազատ է արձակում 32 հայ զինծառայողների, Հայաստանն էլ իր հերթին ազատ է արձակում 2 ադրբեջանցի զինծառայողներին։
