22.03.2026 | 14:31
Սեպտեմբերին նախատեսված է փորձարկել Temu-ում ՀՀ գործարարների կողմից վաճառքի կազմակերպումը
Արցախցիների հարցը՝ օդից կախ․ կորցնո՞ւմ են Արցախ վերադարձի իրավունքը, ՀՀ-ում ի՞նչ կարգավիճակ ունեն. ՏԵՍԱՆՅՈՒԹ
Հասարակություն
27.11.2023 | 22:26
Ադրբեջանի ռազմական հարձակման հետևանքով Լեռնային Ղարաբաղից Հայաստան բռնի տեղահանված արցախցիներն անորոշության առաջ են՝ հրաժարվել Արցախի անձնագրերից, ընդունել Հայաստանի քաղաքացիություն և ստանալ ՀՀ անձնագի՞ր, թե՞ ոչ։ Կարծես այս հարցը պետք է միանշանակ պատասխան ունենար՝ դառնալ Հայաստանի քաղաքացի։ Բայց արցախցիները մտավախություն ունեն, որ հրաժարվելով Արցախի անձնագրերից՝ կկորցնեն նաև փախստականի կարգավիճակը, իրավունքներ, որ նրանք պահպանում են՝ չնայած բռնագաղթված լինելուն։
Մյուս կողմից, եթե արցախցիները չեն վերցնում Հայաստանի անձնագրեր և չեն դառնում լիարժեք քաղաքացի, ըստ նրանց՝ չեն կարող ծառայել ՀՀ Զինված ուժերում, հող գնել և վարձակալել, բանկային գործարքներ անել։ Իսկ եթե ՀՀ քաղաքացի դառնան, արցախցիները մտավախություն ունեն, որ կզրկվեն փախստականի իրավունքներից և արտոնություններից։ ՀՀ-ից կենսաթոշակ ստանալով՝ արցախցին այլևս չի ստանա փախստականին ցուցաբերվող սոցիալական աջակցությունը։ Կամ, օրինակ, մարդկանց մտավախությունն այն է, որ նրանք հետագայում չեն կարողանա ապացուցել Արցախում իրենց ունեցվածքի նկատմամբ իրավունքները, չեն կարողանա Ադրբեջանի դեմ իրավական գործընթացներ սկսել՝ պահանջել իրենց կորցրած գույքի, սեփականության փոխհատուցում կամ հնարավորություն՝ վերադառնալու և տնօրինելու իրենց գույքը։ Այս իրավիճակը նրանք փակուղային են համարում։
Ի՞նչ լուծում է հնարավոր ստանալ, որ պաշտպանված լինեն արցախցիների իրավունքները։ Factor TV-ի տաղավարում հրավիրված քննարկմանը մասնակցում են Արցախի նախկին պետնախարար, նախկին ՄԻՊ Արտակ Բեգլարյանը, «Վերադարձ դեպի Դիզակ» ՀԿ ղեկավար Մարգարիտա Քարամյանը, Ազգային անվտանգության և ռազմական հարցերով փորձագետ, քաղաքագիտության դոկտոր Հրաչյա Արզումանյանը, իրավապաշտպան Ժաննա Ալեքսանյանը։
Մանրամասները՝ տեսանյութում։
