23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Կիևում քամին պատռել է Ուկրաինայի ամենամեծ դրոշը
Քաղաքականություն
27.11.2023 | 22:04
Կիևում փոթորիկը պատռել է Ուկրաինայի ամենամեծ դրոշը։ Այս մասին հայտնել է Կիևի քաղաքապետարանն իր Telegram-ալիքում։
Քաղաքապետարանը հիշեցրել է, որ դրոշաձողի բարձրությունը գրեթե 90 մետր է, իսկ քաշը՝ 32 տոննա։ Դրոշի չափերը 16×24 մետր են։
«Երկրի ամենամեծ վնասված դրոշը հանվում է, որպեսզի նորը բարձրացվի: Չնայած այն հանգամանքին, որ դրոշն իջեցվել էր եղանակային պայմանների վատթարացման նախօրեին, քամու ուժգին պոռթկումները վնասել են վահանակը»,- ասվում է Կիևի քաղաքային պետական վարչակազմի հայտարարության մեջ։
Հավելենք, որ երկուշաբթի գիշերը միջերկրածովյան ցիկլոնը հարվածել էր Ուկրաինային։ Երկրի Էներգետիկայի նախարարության տվյալներով՝ երկրի 16 շրջանների ավելի քան երկու հազար բնակավայրեր հոսանքազրկվել են։
Հիշեցնենք, որ ուժգին փոթորկի ազդեցության տակ են նաև Արևելյան Եվրոպայի երկրները, հարյուրավոր բնակավայրեր մնացել են առանց էլեկտրականության։
