07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Պետպատվերի շրջանակում անորակ իմպլանտների տեղադրումը կանխելու համար այսուհետ արտադրողից սերտիֆիկատ կպահանջեն
25.10.2023 | 13:21
Ներմուծող ընկերություններն այսուհետ կկարողանան օրգանիզմում տեղադրվող իմպլանտի ծագման և որակի համապատասխանության սերտիֆիկատ պահանջել արտադրողից։
ՀՀ ազգային ժողովն ընդունեց «Բնակչության բժշկական օգնության և սպասարկման մասին» օրենքում լրացումներ կատարելու մասին նախագիծը։ ՔՊ-ական պատգամավոր Լուսինե Բադալյանն իր ելույթում նշեց, որ օրինագիծը հնարավորություն կտա բացառել պետպատվերի շրջանակներում անորակ իմպլանտների տեղադրումը մարդու օրգանիզմում։
«Պահանջ ենք դրել, որպեսզի անպայման ունենա համապատասխանության հավաստագիր, ավտորիզացիոն նամակ և ծագման սերտիֆիկատ։ Սրանով մենք փորձում ենք պետության կողմից վճարվող գումարները դարձնել ավելի նպատակային, թույլ չտալ, որպեսզի անորակ իմպլանտներ տեղադրվեն մարդու օրգանիզմ, վերահսկում ենք որակը»,- ասել էր Բադալյանը։
