ԼՂ-ի նկատմամբ Ադրբեջանի հաղթանակը նոր պատերազմի մտավախություն է առաջացնում․ Financial Times-ի անդրադարձը

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Financial Times-ը հրապարակում է արել Լեռնային Ղարաբաղի դեմ սեպտեմբերի 19-ի ադրբեջանական ագրեսիայից ու Արցախի էթնիկ զտումներից հետո Բաքվում տրամադրությունների և Ադրբեջանի նախագահ Իլհամ Ալիևի անփոփոխ ռազմական հռերտորաբանության, Հայաստանի նկատմամբ պարբերաբար հնչող սպառնալիքների վերաբերյալ։ Մասնավորապես, նշվում է, որ խաղաղության նոր դարաշրջան ազդարարելու փոխարեն՝ Բաքվի տոնայնությունը հարևան Հայաստանի հետ կապված մտավախություն է առաջացնում, որ իր հավակնությունները կարող են ավելի մեծ լինել, և հակամարտությունը դեռ չի ավարտվել։

«Մենք Ադրբեջանին անընդհատ ասում ենք՝ դու ես հաղթողը, դու կարող ես քեզ թույլ տալ մեծահոգի լինել»,- լրատվամիջոցին ասել է արևմտյան դիվանագետներից մեկը:

Սակայն դիտորդները նշում են, որ Բաքվի ռազմական հաղթանակին որևէ զինադադար չի հետևել և ոչ մի իմաստալից քայլ չի ձեռնարկվել՝ հաշտեցնելու երկու հասարակություններին, որոնք բաժանված են տասնամյակների պատերազմներով:

Փոխարենը անցյալ շաբաթ Ադրբեջանի ղեկավարը նկարահանվել է՝ ցուցադրելով, թե ինչպես է շրջում Ստեփանակերտի դատարկ փողոցներով և ոտնատակ տալիս Լեռնային Ղարաբաղի դրոշը։ Նրա «հաղթական ելույթը կենտրոնացած էր անցյալի վրա և ծաղրում էր Ղարաբաղի ղեկավարներին, որոնք այժմ բանտարկված են Բաքվում», նշում է հոդվածագիրը։

Հրապարակման մեջ ասվում է, որ Հայաստանում կա մտավախություն, որ Բաքուն կարող է հարձակվել Հայաստանի վրա՝ հաշվի առնելով ՀՀ ինքնիշխան տարածք արդեն արձանագրված ներխուժումները։

Իհարկե, Ադրբեջանի պաշտոնյաները կտրականապես հերքում են նման ծրագրերի առկայությունը։

«Մենք Հայաստանի տարածքում ռազմական նպատակներ չունենք»,- ասել է Ադրբեջանի նախագահի օգնական Հիքմեթ Հաջիևը։

Բայց Հայաստանի տարածքային ամբողջականությունը հարգելու նման խոստումներ նախկինում ևս տրվել, բայց հետո խախտվել են։ Պարբերականը հիշեցնում է նաև հոկտեմբերի 5-ին Գրանադայում ծրագրված հնգակողմ հանդիպումից Ալիևի հրաժարվելու մասին։

«Մենք ցանկանում ենք ընդունել նրանց խոսքը, բայց հետո կա «բայց»-ը։ Եթե այլ ռազմական նպատակներ չկան, ինչո՞ւ ենք մենք առաջնորդներին համախմբելու այդքան դժվարություններ ունենում: Եթե դուք ասում եք, որ հավատարիմ եք խաղաղությանը, խնդրում ենք՝ ստորագրել»,- լրատվամիջոցի հետ զրույցում ասել է դիվանագետը։

Եվ երկու դիվանագետներ էլ ասել են, որ մինչև մեկօրյա պատերազմի սկիզբը հավաստիացումներ են ստացել, որ Ղարաբաղում ռազմական գործողություն չի իրականացվի:

«Մենք մեզ դավաճանված ու դառնացած էինք զգում»,- ասել է դիվանագետներից մեկը։

Երկրորդ աղբյուրն էլ նշել է, որ երբ խոսքը հետագա ռազմական գործողությունների ռիսկի մասին է, «խոհեմ վերաբերմունքը վստահելն է, բայց՝ ստուգելով»։

Էմմա Չոբանյան