13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Կալիֆոռնիայում մոլեգնած հրդեհները 16 մարդու կյանք են խլել
Քաղաքականություն
12.01.2025 | 12:27
Լոս Անջելեսի նահանգային բժշկական փորձաքննության վարչությունը հաստատել է, որ տարածքում կատաղի հրդեհների հետևանքով զոհերի թիվը հասել է 16-ի. գրում է CNBC-ին։
Ըստ տվյալների՝ 16 զոհի դեպքերը դեռևս քննվում են։ Նրանցից հինգը զոհվել են Պալիսադեսի հրդեհի հետևանքով, իսկ 11-ը՝ Իթոնի հրդեհի պատճառով, նշվում է դատաբժշկական ծառայության շաբաթ երեկոյան տարածած հաղորդագրության մեջ։
Նախորդ տվյալներով զոհերի թիվը կազմում էր 11, սակայն պաշտոնյաները զգուշացրել էին, որ այդ թիվը կարող է աճել, քանի որ կատաղի հրդեհներից ավերված թաղամասերում որոնողական աշխատանքներ են իրականացվում։ Իշխանությունները ստեղծել են կենտրոն, որտեղ մարդիկ կարող են հաղորդել անհետ կորածների մասին։
Հրշեջները շարունակում են պայքարել հրդեհների տարածումը կանգնեցնելու համար, հատկապես ուժեղ քամիների հնարավոր վերադարձից առաջ, որոնք կարող են կրակը մղել Ջ. Փոլ Գեթի թանգարանի և Կալիֆոռնիայի համալսարանի (Լոս Անջելես) ուղղությամբ։
Հրդեհի դեմ կատաղի պայքար է ընթանում Մանդևիլ Կանյոնում, որտեղ գտնվում են Արնոլդ Շվարցենեգերի և այլ հայտնի մարդկանց տները։
Կալիֆոռնիայի հրդեհների ծառայության (CalFire) օպերացիոն բաժնի ղեկավար Քրիստիան Լիցը հայտարարեց, որ շաբաթ օրը հիմնական ուշադրությունը կենտրոնացած կլինի Պալիսադեսի հրդեհի վրա, որը բռնկվել է կանյոնի տարածքում՝ ոչ հեռու Կալիֆոռնիայի համալսարանից։
«Մենք պետք է ագրեսիվ գործենք այս տարածքում»,- նշել է Լիցը։
