04.08.2026 | 19:10
ԱՄՆ-ը պատժամիջոցներ է սահմանել ՌԴ ցամաքային զորքերի և Ռուսաստանի ՊՆ հրթիռահրետանային գլխավոր վարչության նկատմամբ
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
12.01.2025 | 17:49
Այսօր վթարի է ենթարկվել Սպիտակ-Վանաձոր երթուղին սպասարկող մարդատար «Գազել»-ը. վթարի հետևանքով 12 քաղաքացի տարբեր աստիճանի մարմնական վնասվածքներով տեղափոխվել է «Վանաձոր» բժշկական կենտրոն, այս մասին Factor.am-ի զրույցում տեղեկացրեց բժիշկ Դավիթ Ավետիսյանը: Նրա փոխանցմամբ՝ քաղաքացիները թեթև և միջին ծանրության վնասվածքներ են ունեցել, բոլորին ցուցաբերվել է համապատասխան բուժօգնություն և դուրս են գրվել:
«Տուժածները սպասարկվել են ամբուլատոր պայմաններում: Նրանցից ոչ ոք ծանր վնասվածքներ չի ունեցել: Բոլորը հետազոտվել են, համապատասխան խորհուրդներով դուրս են գրվել»,- մանրամասնեց Ավետիսյանը:
Shamshyan.com-ի հաղորդմամբ՝ այսօր խոշոր ավտովթար է տեղի ունեցել Լոռու մարզում։ Ժամը 15:30-ի սահմաններում Վանաձոր քաղաքի Կարեն Դեմիրճյան փողոցում բախվել են Սպիտակ-Վանաձոր երթուղին սպասարկող մարդատար «Գազել»-ն ու «Toyota Prado» մակնիշի ավտոմեքենան։
Ըստ լրատվամիջոցի` բախման հետևանքով «Գազել»-ը դուրս է եկել երթևեկելի գոտուց և հայտնվել «Վանա» ալյուրի խանութի մեջ՝ պատճառելով խոշոր չափի նյութական վնաս։
Մանյա Պողոսյան
