Արցախի հայաթափումից հետո Բաքուն զգալի միջոցներ է նախատեսում իր վերահսկողության ներքո հայտնված տարածքներում ներդրումների համար։
Ադրբեջանի ֆինանսների նախարարության տվյալներով՝ 2020-2022 թվականներին երկրի իշխանությունները պետական բյուջեից հատկացրել են 6,6 մլրդ մանաթ (մոտ 3,9 մլրդ դոլար)՝ «վերականգնման ծրագրերի իրականացման համար»։
2023 թվականի պետական բյուջեով այդ նպատակների համար նախատեսված է 5,3 մլրդ մանաթ (3,1 մլրդ դոլար)։ Իսկ 2024-2026 թվականներին այդ նպատակների համար նախատեսված է 10,6 մլրդ մանաթի (6,2 մլրդ դոլար) հատկացում։
