02.06.2026 | 20:50
Թուրքիան ծրագրում է էներգետիկ միջանցք ստեղծել՝ ադրբեջանական էլեկտրաէներգիան Եվրոպա հասցնելու համար
Ադրբեջանի ՊՆ-ն հայտնել է, որ զինծառայողներ են հեռացվել բանակից համացանցում հրապարակումների համար
19.10.2023 | 23:01
Ադրբեջանի բանակից հեռացվել են զինծառայողներ, որոնք սոցիալական ցանցերում հրապարակել են լուսանկարներ ու տեսանյութեր զինվորական ծառայության ժամանակ։ Այս մասին հայտնում է Ադրբեջանի ՊՆ-ն։
Գերատեսչությունը նշում է, որ «անձնակազմի հետ պարբերաբար անցկացվում են կրթական զրույցներ տեղեկատվական անվտանգության հարցերի վերաբերյալ, և զինվորականներին հայտնի է գաղտնի տեղեկատվության հրապարակման իրենց պատասխանատվության մասին»։
Չնայած դրան՝ հայտնաբերվել են մի քանի դեպքեր, երբ զինծառայողները ծառայության ընթացքում օգտագործել են սմարթֆոններ, ինչպես նաև լուսանկարներ ու տեսանյութեր են հրապարակել սոցիալական ցանցերում։
«Որոշ զինծառայողներ հեռացվել են բանակից, իսկ մյուսների նկատմամբ կիրառվել են կարգապահական լուրջ միջոցներ»,- ասվում է Ադրբեջանի ՊՆ-ի տարածած հաղորդագրության մեջ։
Հավելենք, որ ադրբեջանական բանակի զինտեխնիկայի շարժի վերաբերյալ համացանցում հաճախ են հայտնում տարբեր տեսանյութեր։ Բացի այդ՝ ադրբեջանական բանակի զինծառայողները երբեմն տեսանկարահանում են Արցախում ու ՀՀ ինքնիշխան տարածքում իրենց կատարած հանցագործությունները և տարածում համացանցում։
Էմմա Չոբանյան
