14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Մենք կաղապարված ենք մեր գավառականության մեջ. ապաքաղաքական զրույց Արմեն Դարբինյանի հետ. ՏԵՍԱՆՅՈՒԹ
Հաղորդաշարեր
22.10.2023 | 21:02
Factor TV-ի A-politic հաղորդաշարի հյուրն է Հայաստանի նախկին վարչապետ, տնտեսագիտության դոկտոր, պրոֆեսոր Արմեն Դարբինյանը: Նրա կարծիքով՝ 1960-70-ական թվականներին Խորհրդային Հայաստանում բուռն զարգացում էր ապրում ազգային մշակույթը, արժևորվում էին դարերի ընթացքում կուտակված հոգևոր արժեքները: Անկախության տարիներին, սակայն, այս առումով ունեցել ենք կորուստներ: Այստեղ հաղորդման հյուրը տեսնում է էլիտաների բացասական դերը․ նրա կարծիքով՝ վերնախավի ներկայացուցիչները չափից դուրս տարված էին անձնական մանր շահերով և ինքնահաստատմամբ:
Արմեն Դարբինյանը կարծում է, որ Հայաստանի՝ առաջին քրիստոնեական երկիր լինելու հանգամանքը, ինչպես նաև ավելի լայն իմաստով՝ հայ մշակույթը մեզ որոշակի «մրցակցային առավելություններ» է տալիս: Հայաստանը կարող է հետաքրքիր լինել աշխարհին՝ որպես քաղաքակրթությունների խաչմերուկ, քանի որ իր պատմության մեջ միաձուլում է արևմտյան և արևելյան մշակույթների տարրերը: Եթե Հայաստանի՝ գոյություն չունենալն արտաքին աշխարհում որևէ մեկին ցավ չի պատճառելու, դա լուրջ խնդիր է ստեղծելու մեր պետության համար:
Մեկնաբանելով Վահան Տերյանի «Հոգևոր Հայաստան» հոդվածի ուղերձները՝ Արմեն Դարբինյանն առանձնացնում է նախ՝ արտաքին բացասական ճնշումներին դիմադրելու անհրաժեշտությունը, ինչպես նաև անընդհատ հոգևոր արժեքներ ստեղծելու անհրաժեշտությունը: Նա շեշտում է, որ հայաստանյան մտավոր վերնախավում չափից դուրս մեծ դեր է խաղում մրցակցության սկզբունքը, մինչդեռ, նրա կարծիքով, անհրաժեշտ է «միմյանց օգնելով՝ իրար բարձրացնել»:
Մանրամասները՝ տեսանյութում:
Արամ Աբրահամյան
