07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Տոյվո Կլաարը՝ հոկտեմբերի վերջին Հայաստանի և Ադրբեջանի միջև սպասվող բարձր մակարդակի հանդիպման մասին
Քաղաքականություն
13.10.2023 | 23:27
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Հարավային Կովկասի ու Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարը X-ի իր միկրոբլոգում գրառում է կատարել, որում անդրադարձել է Բրյուսելում հոկտեմբերի վերջին Հայաստանի և Ադրբեջանի առաջնորդների մասնակցությամբ կայանալիք հանդիպմանը։
«Վերադարձա Բաքվից և Երևանից, որտեղ ես քննարկեցի համապարփակ կարգավորմանն ուղղված հաջորդ քայլերը։ Ադրբեջանի և Հայաստանի համար կարևոր է հավատարիմ մնալ դրական և համաձայնեցված օրակարգին: Ակնկալվում է, որ այս ներգրավվածությունը կհաստատվի այս ամսվա վերջին Բրյուսելում կայանալիք բարձր մակարդակի հանդիպման ժամանակ»,- գրել է Կլաարը։
Հիշեցնենք՝ ԵՄ խորհրդի նախագահ Շառլ Միշելը Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին հրավիրել է մինչև հոկտեմբերի վերջ հանդիպել Բրյուսելում։
Հոկտեմբերի 12-ին Տոյվո Կլաարը Հայաստանում հանդիպումներ էր ունեցել Նիկոլ Փաշինյանի, ԱԳ նախարար Արարատ Միրզոյանի և ԱԽ քարտուղար Արմեն Գրիգորյանի հետ։ Քննարկվել էին Հայաստան-Ադրբեջան հարաբերությունների կարգավորման գործընթացին վերաբերող հարցեր:
Հոկտեմբերի 11-ին Ադրբեջանի ԱԳ նախարար Ջեյհուն Բայրամովը Բաքվում ընդունել էր Տոյվո Կլաարին։ Ադրբեջանական կողմի հաղորդմամբ՝ հանդիպմանը կողմերը մտքեր էին փոխանակել Ադրբեջանի և Հայաստանի միջև խաղաղության համաձայնագրի նախագծի հեռանկարների, Բաքվի և Երևանի միջև հարաբերությունների կարգավորման հարցերի, տարածաշրջանում վերջին զարգացումների, ինչպես նաև Արցախի հայերի «վերաինտեգրման» շուրջ։
