29.10.2026 | 17:07
Ալեն Սիմոնյանն ու Սլովենիայի արտգործնախարարը քննարկել են Հայաստանի տնտեսական դիվերսիֆիկացման հարցերը
Բռնցքամարտի Եվրոպայի գավաթ․ Հովհաննիսյանը, Չալոյանը և Հարությունյանը մեկնարկել են հաղթանակով
11.10.2023 | 11:50
Չեռնոգորիայի Բուդվա քաղաքում ընթացող բռնցքամարտի Եվրոպայի գավաթի խաղարկությունում Հայաստանի հավաքականի անդամ, 48 կգ քաշային Բարեղամ Հարությունյանը հաղթելով Եվրոպայի առաջնության բրոնզե մեդալակիր լեհ Յուկուբ Սլոմինսկիին` առնվազն բրոնզե մեդալ է ապահովել․ գրում է armsport-ը։
Մեկնարկում հաղթանակներ են տարել նաև Ռաֆայել Հովհաննիսյանն ու Դավիթ Չալոյանը, որոնք դուրս են եկել 1/4 եզրափակիչ։
+92 կգ քաշային կարգում հանդես եկող Չալոյանը մեկնարկում մրցել է միջազգային ֆեդերացիայի դրոշի ներքո հանդես եկող Ստան Բերտենսի հետ մրցավարների միաձայն որոշմամբ հաղթել 5:0 հաշվով, իսկ 86 կգ քաշային Ռաֆայել Հովհաննիսյանը նույն 5:0 հաշվով առավելության է հասել Մոլդովայի ներկայացուցիչ Դմիտրի Կոսկյուգի նկատմամբ: Նա նաև երկու անգամ նոկդաունի է ենթարկել մրցակցին։
Քառորդ եզրափակչում այսօր հաղթանակներ տանելու դեպքում Հովհաննիսյանն ու Չալոյանը կապահովեն առնվազն բրոնզե մեդալներ։ Քառորդ եզրափակչի իրենց մենամարտերն այսօր կանցկացնեն նաև Արթուր Բազեյանը (57 կգ) և Նարեկ Մանասյանը (92 կգ)։
Երեկ ռինգ դուրս եկած մեր մյուս ներկայացուցիչները՝ Գուրգեն Մադոյանն ու Համբարձում Հակոբյանը պարտվել են մեկնարկում։
