07.10.2026 | 16:15
Գարեգին Երկրորդը իրավաբանների ու սահմանադրագետների հետ քննարկել է Եկեղեցու դեմ նախաձեռնությունները
Ալիևը շարունակում է առաջ մղել «3+3» ձևաչափը
10.10.2023 | 20:01
Ադրբեջանի նախագահ Իլհամ Ալիևը կարծիք է հայտնել, թե պայմաններ են ստեղծվել հայ-ադրբեջանական հարաբերությունների կարգավորման և Բաքվի և Երևանի միջև խաղաղության պայմանագրի ստորագրման համար։
«Ներկայումս ստեղծվել են պատմական հնարավորություններ հայ-ադրբեջանական հարաբերությունների կարգավորման, խաղաղության պայմանագրի ստորագրման և Հարավկովկասյան տարածաշրջանը խաղաղության և համագործակցության տարածքի վերածելու համար», -այս մասին ասվում է Ալիևի՝ Տնտեսական համագործակցության կազմակերպության անդամ երկրների արտգործնախարարների խորհրդի 27-րդ նիստի մասնակիցներին ուղղված ուղերձում, որը Բաքուն անցկացնում է Շուշի քաղաքում։
Բացի այդ, Ադրբեջանի նախագահը շարունակում է առաջ տանել «3+3» ձևաչափը՝ Հայաստան, Ադրբեջան, Վրաստան, Իրան, ՌԴ, Թուրքիա։ Թբիլիսին ավելի վաղ հայտարարել էր, որ դեմ է այս ձևաչափին։ Մասնավորապես, Ալիևը նշել է, թե «Ադրբեջանը միշտ եղել է խաղաղության ջատագովը և տարածաշրջանում խաղաղության նախաձեռնությունների հեղինակը», «առաջ է քաշել համագործակցության 3+3 տարածաշրջանային ձևաչափը», ինչպես նաև փորձել արդարացնել Արցախի դեմ Ադրբեջանի ագրեսիան։
