24.07.2026 | 10:53
Ռոսսելխոզնադզորը հուլիսի 27-ից կսահմանափակի Հայաստանից կաթնամթերքի ներմուծումը
Լուիս Բոնոն Բաքվում Բայրամովի հետ քննարկել է Արցախում իրավիճակը
Քաղաքականություն
09.10.2023 | 18:19
ԱՄՆ Պետքարտուղարության Կովկասյան բանակցությունների հարցով ավագ խորհրդական Լուիս Բոնոն Բաքվում է։ Ադրբեջանի ԱԳՆ-ի փոխանցմամբ՝ նա հանդիպել է Ադրբեջանի ԱԳ նախարար Ջեյհուն Բայրամովի հետ։
Նշվում է, որ հանդիպման ընթացքում մտքերի փոխանակություն է տեղի ունեցել երկու երկրների երկկողմ և բազմակողմ համագործակցության օրակարգի, տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի, ինչպես նաև Արցախի հայերի «վերաինտեգրման»՝ Բաքվի քայլերի շուրջ։
Բայրամովը հերթական ադրբեջանական կեղծիքներն է հնչեցրել՝ հայտարարելով, թե «Հայաստանը զրպարտչական քարոզչություն է իրականացնում, որն ուղղված է միջազգային հանրությանը մոլորեցնելուն և չի արտացոլում տարածաշրջանի իրողությունները»։
Հերքելով սեփական ագրեսիան և էթնիկ զտման քաղաքականությունը՝ Բայրամովն ասել է, թե Արցախից հայերը հեռացել են «կամավոր»։
Էմմա Չոբանյան
