Քաղաքականություն
06.10.2023 | 11:36
Ադրբեջանի Մարդու իրավունքների պաշտան Սաբինա Ալիևան այցելել է Բաքվի կողմից Հակարիի կամրջից առևանգված և կալանավորված Արցախի նախկին պետնախարար Ռուբեն Վարդանյանին։
Հաղորդվում է, որ հանդիպումը տեղի է ունեցել հոկտեմբերի 3-ին։ Նշվում է, թե Վարդանյանը, իբր, գոհունակություն է հայտնել պահման պայմաններից, ասել, որ ենթարկվել է նախնական բժշկական զննության, առողջական խնդիրներ չկան։
Ըստ ադրբեջանական կողմի՝ ապահովվել է Վարդանյանի հեռախոսազրույցը նրա ընտանիքի անդամների հետ, ծանրոցների առաքումը, գրադարանից օգտվելու և տեղեկատվության հասանելիությունը:
Հիշեցնենք՝ Բաքուն սեպտեմբերի 27-ին առևանգել է Ռուբեն Վարդանյանին, ապօրինի ձերբակալել և շինծու մեղադրանքներ առաջադրել։ Ադրբեջանական դատարանը նրան 4 ամսով կալանավորելու որոշում է կայացրել։
Էմմա Չոբանյան
