30.04.2026 | 18:19
ԱԺ հանձնաժողովը դրական եզրակացություն է տվել Արտաքին հետախուզության ծառայության մասին օրենքում փոփոխությունների նախագծին
Բաքուն հայտնել է Բակո Սահակյանին, Արկադի Ղուկասյանին և Դավիթ Իշխանյանին 5 հոդվածով ապօրինի մեղադրանք առաջադրելու մասին
Քաղաքականություն
05.10.2023 | 18:53
Արցախի նախկին նախագահներ Բակո Սահակյանին, Արկադի Ղուկասյանին, ինչպես նաև ԱԺ նախագահ Դավիթ Իշխանյանին առևանգած Բաքուն ապօրինի մեղադրանք է առաջադրել Ադրբեջանի Քրեական օրենսգրքի հինգ հոդվածներով։
Ադրբեջանի Պետական անվտանգության ծառայության հաղորդագրության մեջ նշվում է, որ մեղադրանք է առաջադրվեվլ 214.2.1, 214.2.2, 214.2.3 հոդվածներով (ահաբեկչություն, որը կատարվել է կազմակերպված խմբի կողմից և բազմիցս՝ հրազենի բազմակի օգտագործմամբ), 214-1 (ահաբեկչության ֆինանսավորում), 214-3.2 (ահաբեկչության նպատակով վարժանքների կազմակերպում) 228. 3 (զենքի ապօրինի շրջանառություն) և 279.3 (օրենքով չնախատեսված զինված խմբավորումների ստեղծում):
Դատարանը նրանց 4 ամսով կալանավորելու որոշում է կայացրել։
Այս հոդվածներով նրանց սպառնում է երկարաժամկետից մինչև ցմահ ազատազրկում։
Հավելենք, որ այսօր ավելի վաղ Բաքուն հայտնել էր Արցախի նախկին նախագահ Արայիկ Հարությունյանին ապօրինի կալանավորելու և մեղադրանքներ առաջադրելու մասին։ Ադրբեջանական աղբյուրները գրում են, որ նրան նույնպես կարող է սպառնալ ցմահ ազատազրկում։
Էմմա Չոբանյան
