30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Բաքուն հայտնել է, թե Արցախում ևս 15 հայ դիմել է ադրբեջանական քաղաքացիության համար
Քաղաքականություն
05.10.2023 | 17:19
Ադրբեջանը հայտարարել է, թե Արցախում մնացած ևս 15 հայ դիմել է ադրբեջանական քաղաքացիություն ստանալու համար։ Այս մասին ասվում է Ադրբեջանի Միգրացիոն պետական ծառայության և Աշխատանքի և սոցիալական պաշտպանության նախարարության հաղորդագրության մեջ։
Նշվում է, թե նախնական գրանցման համար Միգրացիոն պետական ծառայություն է դիմել 15 բնակիչ (անձամբ՝ 13 հոգի և 2 հոգի՝ այդ նպատակով ստեղծված reintegration.gov.az պորտալի միջոցով)։ Ավելի վաղ էլ Բաքուն հայտարարել էր, թե Արցախի 7 հայ բնակիչներ են դիմել քաղաքացիության համար։
Բացի այդ, հաղորդվում է, թե «վերաինտեգրման գործընթացին միանալու համար մինչ օրս 98 դիմում է ստացվել»։
Այս տվյալների հավաստիության որևէ ապացույց, սակայն, չկա։
Էմմա Չոբանյան
