30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
Պաշտպանության նախկին նախարար Արշակ Կարապետյանը հայտարարում է քաղաքականություն մտնելու և ազատագրական շարժում սկսելու մասին
Քաղաքականություն
05.10.2023 | 00:44
ՀՀ պաշտպանության նախկին նախարար Արշակ Կարապետյանը ֆեյսբուքյան իր էջում ուղերձով դիմել է հանրությանը։
Նա մասնավորապես ասել է, թե Հայաստանում և Արցախում ստեղծված իրավիճակով պայմանավորված՝ հայտարարում է քաղաքականություն մտնելու, ներքին և արտաքին թշնամիների դեմ քաղաքական ազատագրական շարժում սկսելու և Հայաստանի պետականության պաշտպանությանն ուղղված անվտանգային համակարգ ստեղծելու մասին։
Հիշեցնենք՝ Կարապետյանը մինչև 2016-ը եղել է ՀՀ Զինված ուժերի գլխավոր շտաբի հետախուզության վարչության պետը։ Ապրիլյան քառօրյա պատերազմից հետո՝ ապրիլի 26-ին, նա երեք բարձրաստիճան զինվորականների թվում էր, որոնք Սերժ Սարգսյանի հրամանագրերով ազատվել էին պաշտոնից։ 2018-ի դեկտեմբերին Արշակ Կարապետյանը նշանակվել էր վարչապետ Նիկոլ Փաշինյանի խորհրդական։ 2021-ի ապրիլին ազատվել էր այդ պաշտոնից՝ նշանակվելով Գլխավոր շտաբի պետի առաջին տեղակալ։ 2021-ի հուլիսին նշանակվել էր պաշտպանության նախարարի առաջին տեղակալ: 2021-ի օգոստոսից Կարապետյանը նշանակվել էր ՀՀ պաշտպանության նախարար, իսկ նույն թվականի նոյեմբերին ազատվել պաշտոնից։
