15.01.2026 | 12:00
Բաքվի աղբյուրները՝ բոլոր հայ գերիներին ազատելու հավանականության մասին // Հրդեհ ոստիկանության շենքում․ ԼՈՒՐԵՐ
Մենք բոլորս ապրում ենք գոյաբանական ճգնաժամի մեջ. ապաքաղաքական զրույց Նարինե Խաչատրյանի հետ. ՏԵՍԱՆՅՈՒԹ
Հաղորդաշարեր
01.10.2023 | 21:02
Factor TV-ի A-politic հաղորդաշարի հյուրն է հոգեբանական գիտությունների թեկնածու, ԵՊՀ Անձի հոգեբանության ամբիոնի վարիչ Նարինե Խաչատրյանը: Նրա կարծիքով՝ ժողովրդի համար այս ծանր վիճակում հոգեբանների աշխատանքը պետք է լինի՝ մարդկանց օգնել բացահայտել կենցաղային, զգացական, սոցիալական, հոգևոր մակարդակներում կյանքի նոր իմաստներ:
«Մենք ոչ թե մարդկանցից առաջ ենք ընկնում, այլ փորձում ենք նրանց հետ որոշակի ճանապարհ անցնել»,- ասում է հոգեբանը:
Ըստ նրա՝ հիմա մենք՝ հայերս, գտնվում ենք գոյաբանական ճգնաժամի մեջ: Այդ համատեքստում նա բերում է շվեյցարացի հոգեբան Վիկտոր Ֆրանկլի օրինակը, որը նացիստների Աուշվից համակենտրոնական ճամբարում շարունակում էր օգնել մարդկանց: Դա, հաղորդման հյուրի կարծիքով, ցույց է տալիս, որ անգամ ծանրագույն վիճակում մարդն ընտրություն է կատարում, և եթե անգամ նա չի կարող փոխել իրողությունները, ապա բոլոր դեպքերում ի վիճակի է փոխել իր վերաբերմունքն այդ իրողությունների նկատմամբ:
Նարինե Խաչատրյանի համոզմամբ՝ վերջին շրջանում մարդիկ ավելի հաճախ են սկսել դիմել հոգեբաններին, սակայն հնարավոր չէ, որ Հայաստանի ամբողջ բնակչությունն օգտվի հոգեբանների ծառայությունից: Հաղորդման հյուրը խնդրի լուծումն այլ տեղ է տեսնում՝ հոգեբանական գիտելիքները լայնորեն տարածելու, հոգեկրթությունը պետական և մասնավոր ինստիտուտներում ներմուծելու մեջ:
Մանրամասները՝ տեսանյութում:
Արամ Աբրահամյան
