16.03.2026 | 10:01
Հանրապետության ողջ տարածքում առատ տեղումներ են․ Ամբերդի հատվածում 2 օրում թափվել է ամսական նորմայի կրկնապատիկը
Պահանջում եմ ԵՊՀ գիտխորհրդից՝ գնահատական տալ այս բռնարարքներին. Մենուա Սողոմոնյան․ ՏԵՍԱՆՅՈՒԹ
Քաղաքականություն
25.09.2023 | 21:13
ԵՊՀ դոցենտ, «Հայաքվեի» անդամ Մենուա Սողոմոնյանն իր ելույթում խոսեց ոստիկանների գործողությունների մասին. «Օրեցօր կոշտանում է ոստիկանության գործողությունները եւ գնալով թույլատրելի սահմանները հատվում են, բերման են ենթարկվել 200 քաղաքացիներ, ոմանք ձերբակալվել են՝ լրիվ անհիմն, նրանց վրա խուլիգանության հոդվածով շինծու ձեւով գործեր են կարվում: Երկրորդ անգամ ԵՊՀ պատմության մեջ ոստիկանությունը ներխուժում է ԵՊՀ շենքից ներս: Սա անթույլատրելի է:
Ես պահանջում եմ ԵՊՀ գիտական խորհրդից գնահատական տալ այս բռանարարքներին, համալսարանականներին ԵՊՀ-ից բռնությամբ տանելու, այն մարդկանց, ովքեր պայքարում են արժանապատվության համար, այն օրինակելի դասախոսներին, ովքեր պայքարում են իրենց ուսանողների արժանապատիվ կյանքի համար»:
Նա հորդորեց Բրյուսովի համալսարանի ուսանողներին դուրս գալ եւ հաշիվ պահանջել իրենց պրոռեկտորի անհիմն ձերբակալության եւ քննչական բաժնում պահելու համար: Մենուա Սողոմոնյանն ասաց, որ պետք է մեծ ուշադրություն դարձվի անհնազանդության գործողություններին. «Ժողովուրդ, ես կոչ եմ անում, խնդրում եմ դուրս գալ առավոտյան փողոց, չենք մեռնելու դրա համար, չենք վիրավորվելու»: Նա հորդորեց հրապարակում հավաքվածներին ամեն մեկը 15-20 բարեկամներով մի խաչմերուկ փակել:
Մանրամասները՝ տեսանյութում։
