23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Եթե ԵՄ-ն վերջնականապես չճանաչի իր ռազմավարական շահը Հարավային Կովկասում, նոր պատերազմի վտանգ կա․ Միխայել Ռոթ
Քաղաքականություն
21.09.2023 | 15:50
Գերմանիայի խորհրդարանի արտաքին հարաբերությունների հանձնաժողովի նախագահ Միխայել Ռոթը հայտարարել է, որ եթե ԵՄ-ն վերջնականապես չճանաչի իր ռազմավարական շահը Հարավային Կովկասի տարածաշրջանում, նոր պատերազմի վտանգ կա, գրել է նա X-ում։
«Դառը եզրակացություն հայերի ու ԵՄ համար․ Ադրբեջանը հիմնվել է ավելի ուժեղի օրենքի վրա, այլ ոչ թե օրենքի ուժի։ Եվ այն կոպտորեն հաղթեց։ Հայաստանն արդեն մի քանի շաբաթ է՝ զգուշացնում էր Ադրբեջանի ռազմական գործողությունների մասին։ Մենք այլ կողմ նայեցինք ու հեշտացրինք իրավիճակը։ ԵՄ-ն պետք է ավելի լավ պաշտպանի երիտասարդ ՀՀ ժողովրդավարությունն իր թշնամիներից՝ ԵՄ-ի ուժեղացված առաքելության միջոցով՝ անվտանգություն+խաղաղություն, զանգվածային տնտեսական աջակցություն, վիզային ռեժիմի ազատականացում և ավելի խորը քաղաքական համագործակցություն:
Այդ հիմքով մենք չենք կարող ավելի սերտ համագործակցել Ադրբեջանի հետ տնտեսապես։ Մեզ անհրաժեշտ է ճնշում և վերադարձ բանակցությունների սեղանի շուրջ, որպեսզի երկու պետությունները վերջնականապես ճանաչեն միմյանց տարածքային ամբողջականությունը և զերծ մնան բռնություններից։ Եթե ԵՄ-ն վերջնականապես չճանաչի իր ռազմավարական շահը հարավկովկասյան տարածաշրջանում, նոր պատերազմի վտանգ կա։ Ռուսաստանը լքել է Հայաստանը և ցանկանում է հեղաշրջում անել ու հեռացնել դեմոկրատ վարչապետ Փաշինյանին։ Թուրքիան իր պաշտպանիչ ձեռքերով պահում է Ալիևի ռեժիմը»,- նշել է գերմանացի խորհրդարանականը։
