Հասարակություն
21.09.2023 | 12:47Բոլորն էլ սխալներ ունեցել են։ Ես ինձ համար կարող եմ պատասխան տալ, ես իմ կառավարման ժամանակ գիտեմ ինչի եմ հասել նախարարությունում, ինչից եմ սկսել և ուր եմ հասել․ սկսել եմ հասարակ պատրաստությունից, պաշտպանության կազմակերպումից, վերջացրած զորահանդեսներով։ Եռաբլուրում ճեպազրույցի ժամանակ այս մասին ասաց ՀՀ նախկին պաշտպանության նախարար, ՀՀ ԱԺ «Հայաստան» խմբակցության ղեկավար Սեյրան Օհանյանը։
Նրա և զոհված զինծառայողներից մեկի հոր միջև լեզվակռիվ տեղի ունեցավ այն բանից հետո, երբ վերջինս ասաց, որ Օհանյանի պաշտոնավարման ժամանակ համատարած կոռուպցիա է եղել բանակում։
«Իմ մայրը անձամբ Ձեզ փող է տվել, որ ինձ բանակից ազատի, երբ որ վիրավորված եմ եղել Հորադիզում։ Ես դրա մասին իմացել եմ 4 տարի հետո։ Ավելի լավ է ես այն ժամանակ զոհված լինեի, քան թե այսօր իմ որդին զոհված լիներ»,- նշեց զոհված զինծառայողի հայրը։
«Սուտ ես ասում, դու սրիկա ես։ Կներես այդ բառի համար, բայց դու սրիկա ես, ստում ես»,- ասաց Օհանյանը։
«Ով որ փող է վերցրել, նա է սրիկա»,- հակադարձեց զոհված զինծառայողի հայրը։
Մանրամասները՝ տեսանյութում։
