16.01.2025 | 16:00
Էջեր են կոտրում, ի՞նչ է անում ոստիկանությունը. Արփինե Սարգսյանի պարզաբանումը․ ՏԵՍԱՆՅՈՒԹ
ԵզրաԿԱՑՈՒԹՅՈՒՆ. Նիկոլ Փաշինյանի պաշտոնավարման ընթացքում ոչ մի հանքի գործունեություն չի դադարեցվել
Տնտեսություն
18.07.2018 | 20:30
ՀՀ վարչապետ Նիկոլ Փաշինյանը մայիսի 22-ին հայտարարեց. «Բնապահպանական կանոնները, որոնք կարևոր են ՀՀ քաղաքացիների, ժողովրդի առողջության և շրջակա միջավայրի պահպանման համար, մեր տեղեկություններով պատշաճ ձևով և պատշաճ մակարդակով չեն պահպանվում։ Եվ մենք պետք է օգտագործենք բոլոր լծակները, բոլոր շահագործվող հանքերի գործունեությունը համապատասխանեցնելու, խստի՛վ, բոլոր բնապահպանական կանոններին և ՀՀ օրենսդրության պահանջներին։ Հիմա մենք ուսումնասիրում ենք նոր հետազոտական աշխատանքների և հանքերի շահագործման թույլտվություններ չտալու օրենսդրական հնարավորությունը, մինչև չունենանք որոշակի երաշխիքներ, որ կարողանալու ենք երաշխավորել այդ պրոցեսների կազմակերպումը բացառապես Հայաստանի օրենսդրության պահանջներին և միջազգային կանոններին համապատասխան»:
Էներգետիկ ենթակառուցվածքների և բնական պաշարների նախարարության տրամադրած տվյալների համաձայն, Նիկոլ Փաշինյանի պաշտոնավարման սկզբից մինչև հունիսի 30-ը տրամադրվել է ընդերքօգտագործման 7 իրավունք: Մայիսի 9-ից մինչև հունիսի 30-ը ստացվել է ընդերքօգտագործման 9 դիմում, որից մերժվել է 3-ը, մյուսները փորձաքննվում են: Ընդերքօգտագործման իրավունքի դադարեցում չի եղել:
Սևակ Հակոբյան
