03.10.2026 | 15:55
Օդի ջերմաստիճանը հողի մակերևույթին կնվազի մինչև −4°C
Քանի՞ երևանցի գիտի Ավանի 6-րդ դարի տաճարի մասին. ապաքաղաքական զրույց Անուշ Տեր-Մինասյանի հետ. ՏԵՍԱՆՅՈՒԹ
Հաղորդաշարեր
16.09.2023 | 21:02
Factor TV-ի A-politic հաղորդաշարի հյուրն է ճարտարապետ, արվեստաբան Անուշ Տեր-Մինասյանը: Նրա կարծիքով՝ հաճախակի կրկնվող պնդումները, որ 30 տարվա ընթացքում մայրաքաղաքի տեսքն աղճատված է, որոշակիորեն չափազանցված են: Իհարկե, անկախության, ինչպես նաև խորհրդային տարիներին բազմիցս ընդունվել են չափազանց անհաջող, երբեմն էլ հանցավոր որոշումներ, սակայն, ըստ հաղորդման հյուրի, քաղաքը կենդանի օրգանիզմ է, և տասնամյակների ընթացքում չի կարող նույնը մնալ:
Ըստ ճարտարապետի՝ Երևանի գլխավոր հատակագիծն այսօր թարմացման կարիք ունի, այն պետք է համապատասխանեցվի այսօրվա մարտահրավերներին:
Խոսելով Ալեքսանդր Թամանյանի ժառանգության մասին՝ նա համոզմունք է հայտնել, որ նշանավոր ճարտարապետի գաղափարներից շատերը հնարավոր է իրագործել նաև այսօր: Մասնավորապես, խոսքը «քաղաք-այգու» գաղափարի մասին է, բայց դրա համար պետք է վերջ տալ չկանոնակարգված շինարարությանը Երևանի կենտրոնում:
Որոշ սխալներ, որոնք արվել են նախորդ տասնամյակներում, հնարավոր չէ այլևս ուղղել՝ կառուցված բազմահարկ շենքերն այլևս քանդման ենթակա չեն: Բայց Անուշ Տեր-Մինասյանը կարծում է, որ առանձին դեպքերում գործընթացները շրջելի են: Նա նկատի ունի, մասնավորապես, Մաշտոնի պողոտայի Փակ շուկան, որի նախնական տեսքը կարելի է վերականգնել, ինչպես նաև խաղահրապարակների տեղը կառուցված ավտոտնակները, որոնք պետք է ապամոնտաժել:
Մանրամասները՝ տեսանյութում:
Արամ Աբրահամյան
