12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Գլոբալ տաքացումը վատթարացրել է աշխարհի գետերի ջրի որակը
Քաղաքականություն
12.09.2023 | 23:17
Կլիմայի փոփոխությունը և եղանակային ծայրահեղ իրադարձությունները (երաշտներ, անձրևներ, ջերմային ալիքներ և ջրհեղեղներ) զգալի մարտահրավերներ են ստեղծում ջրային ռեսուրսների կառավարման համար և՛ ջրի հասանելիության, և՛ ջրի որակի տեսանկյունից: Այս մասին ասվում է սեպտեմբերի 12-ին Nature Reviews Earth & Environment ամսագրում հրապարակված հետազոտության մեջ։
Նշվում է, որ գետերի ջրի որակի ռեակցիաները և մեխանիզմներն ավելի հաճախակի և ինտենսիվ էքստրեմալ եղանակային իրադարձությունների պայմաններում բավականաչափ ուսումնասիրված չեն։
Պարզաբանվում է, որ գիտնականներն ուսումնասիրել են 965 դեպք, արդյունքում պարզել են, որ գետի ջրի որակն ընդհանուր առմամբ վատանում է երաշտի և ծայրահեղ շոգերի ժամանակ (հավաքված դեպքերի 68%), հեղեղումների և տեղումների (51%) և երկարատև կլիմայի փոփոխության (56%) ժամանակ։
Ավելի վաղ Energies գիտական ամսագիրը հրապարակել էր Արևմտյան Օնտարիոյի համալսարանի գիտնականների հաշվարկների արդյունքները, որոնք ենթադրում են, որ մինչև 2200 թվականը գլոբալ տաքացումը կարող է խլել մարդկության 10%-ի կյանքը։ Իսկ դա մոտավորապես 1 միլիարդ մարդ է, եթե ճիշտ են բնակչության՝ մինչև 10,4 միլիարդի աճի կանխատեսումները։
