24.07.2026 | 23:24
Առաջիկայում կմեկնարկեն ՀՖՖ Հայաստանի սիրողական Ա և Բ լիգաների 2026-27 մրցաշրջանները
Անասնապահներին ուզում ենք տուգանել, բայց այլընտրանք չունեն, ստիպված են տանում մայրուղով․ Նազարյան․ ՏԵՍԱՆՅՈՒԹ
Քաղաքականություն
12.09.2023 | 11:46
Ազգային ժողովում քննարկվում է Կառավարության կողմից ներկայացված՝ «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին», «ՀՀ քրեական օրենսգրքում լրացում և փոփոխություն կատարելու մասին» օրենքի նախագծերի փաթեթն առաջին ընթերցմամբ ընդունելու մասին հարցը:
Նախագծերի ընդունմամբ ակնկալվում է բարձրացնել ճանապարհների եւ ճանապարհային ենթակառուցվածքների վնասման հետևանքով պետությանը հասցված վնասի համար նախատեսված տուգանքների չափերը եւ խստացնել պատասխանատվության միջոցները:
«Հայաստան» խմբակցության պատգամավոր Գեղամ Նազարյանը նշեց, որ նախատեսվում է անասնապահներին տուգանել և տուգանքը բարձրացնել, երբ որ անասունները հայտնվեն ճանապարհին, այն դեպքում, երբ հաճախ նրանք այլընտրանք չունեն, ստիպված պետք տանեն մայրուղով։
«Անասնապահին հիմա մենք ի՞նչ ենք առաջարկում, թե՞ աչք ենք փակում մեր իսկ ընդունած օրենքի առաջ․ մենք անասնապահների համար լուծում առաջարկո՞ւմ ենք, թե՞ չենք առաջարկում»,- հետաքրքրվեց պատգամավորը։։
ՏԿԵ նախարարի տեղակալ Քրիստինե Ղալեչյանը վստահեցրեց, որ անասնանցումների հարցն ուշադրության կենտրոնում է։ «Բարելավող ճանապարհային ենթակառուցվածքի հետ զուգահեռ անասնանցումների վերականգնման հարցը ևս մեր օրակարգում է։ Համալրվում են այն նշանները, որոնք թույլատրում են անասնանցումները»,- նշեց Ղալեչյանը։
Մանրամասները՝ տեսանյութում։
