07.04.2026 | 10:05
Արտարժույթների փոխարժեքները՝ ապրիլի 7-ի դրությամբ
Տուգանքները ինչո՞ւ եք 3 անգամ բարձրացնում․ կա՞ չափորոշիչ, թե տրամադրությունից է կախված․ Խաչատրյան․ ՏԵՍԱՆՅՈՒԹ
Քաղաքականություն
12.09.2023 | 11:33
Ազգային ժողովում քննարկվում է Կառավարության կողմից ներկայացված՝ «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին», «ՀՀ քրեական օրենսգրքում լրացում և փոփոխություն կատարելու մասին» օրենքի նախագծերի փաթեթն առաջին ընթերցմամբ ընդունելու մասին հարցը:
Նախագծերի ընդունմամբ ակնկալվում է բարձրացնել ճանապարհների եւ ճանապարհային ենթակառուցվածքների վնասման հետևանքով պետությանը հասցված վնասի համար նախատեսված տուգանքների չափերը եւ խստացնել պատասխանատվության միջոցները:
«Հայաստան» խմբակցության պատգամավոր Արթուր Խաչատրյանը հետաքրքրվեց տուգանքների չափերի բարձրացման չափորոշիչներով: «Կա՞ արդյոք Կառավարությունում որևէ ունիվերսալ մոտեցում, թե տուգանքներն ինչքանով ավելացնել: Հիմա ձեզ մոտ 3 անգամ էր՝ 50-ից 150, 25-ից 75 և այլն»:
ՏԿԵ նախարարի տեղակալ Քրիստինե Ղալեչյանը, պարզաբանեց՝ նշելով, որ չափորոշիչների սահմանման հարցում փորձել են գնահատել իրավախախտման հանրային վտանգավորության աստիճանը, ինչպես նաեւ ուսումնասիրվել է միջազգային փորձը:
Նրա խոսքով՝ եվրոպական շատ երկրներում, ԱՄՆ-ում, Կանադայում սահմանված պատասխանատվության չափերը շատ ավելի բարձր եւ խիստ են:
Մանրամասները՝ տեսանյութում։
