07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Ինչու ծառատունկին ընդառաջ հեռացաք Կանաչապատման ՀՈԱԿ-ից․ Բեգոյանը՝ Վարդանյանին․ ՏԵՍԱՆՅՈՒԹ
Տնտեսություն
01.09.2023 | 14:40
«Պրոցեսը սկսված է՝ ջերմոցատնկարանային տնտեսությունն ընդլայնվում է՝ դառնալու է առնվազն 15 հա։ Այն Երևանին կմատակարարի առնվազն 10 հազար նորմալ, հասուն ծառերով բուսազանգված»,- այս մասին «Երևանի կանաչապատման օրակարգը. ավագանու թեկնածուների առաջարկները» թեմայով քննարկման ժամանակ հայտնեց «Քաղաքացիական պայմանագիր» կուսակցության ավագանու թեկնածու Արմեն Բեգոյանը։
Բեգոյանը հակադարձելով «Ազգային առաջընթաց» կուսակցության ավագանու անդամի թեկնածու Քրիստինա Վարդանյանին, նշեց․ «Կանաչապատման ՀՈԱԿ-ը նախկին քաղաքապետ Հայկ Մարությանը չի երկնել։ Ճիշտ է, նա Երևանի քաղաքապետն էր, բայց այդ ՀՈԱԿ-ի ստեղծման ժամանակ մեծ աշխտանք ենք կատարել ես, ներկայիս գլխավոր դենդրոլոգը և մի շարք այլ մասնագետներ, և այդ աշխատանքները համակարգում էր Երևանի քաղաքապետի այն ժամանակվա առաջին տեղակալ Հրաչյա Սարգսյանը»։
«Քաղաքացիական պայմանագիր» կուսակցության ավագանու թեկնածուն հարց ուղղեց Վարդանյանին․ «2022թ․ փետրվարին դուք հեռացաք Կանաչապատման ՀՈԱԿ-ից․․․ Այդքան գեղեցիկ խոսում եք, բայց ասելը մի բան է, անելը՝ այլ բան։ Ինչո՞ւ, երբ խնդիր էր դրված կանաչապատել Ծիծեռնակաբերդին հարող լանջը, ծառատունկին ընդառաջ դուք հեռացաք»։
Մանրամասները՝ տեսանյութում։
