24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Երևանի կառավարման մեջ արհեստական ինտելեկտն ենք ներգրավելու. Արտակ Զեյնալյան․ ՏԵՍԱՆՅՈՒԹ
Քաղաքականություն
23.08.2023 | 19:53
«Իմ Երևանն ես… Երևանն իմն է»՝ այս կարգախոսով այսօր Երևանի «Հաղթանակ» զբոսայգում Երևան քաղաքի ավագանու ընտրությունների քարոզարշավի մեկնարկը տվեց «Հանրապետություն» կուսակցությունը:
Մեկնարկի համար այս այգին էին ընտրել, քանի որ ինչպես կուսակցության քաղաքապետի թեկնածու Արտակ Զեյնալյանն ասաց. «Սա Երևանի ամենահաճելի և տեսարժան վայրերից է, երևանցիներիս պատանեկությունն է այս այգում անցել, ու այստեղ երազանքները նյութականանալու հատկություն ունեն»:
Իր ելույթում Զեյնալյանը վստահեցրեց, որ իրենց քաղաքական ուժը Երևանի կառավարման խնդիրների լուծմանը մասնակից է դարձնելու յուրաքանչյուր երևւանցու։ Նրա խոսքով՝ քաղաքացին պետք է նախանձախնդիր լինի, որպեսզի քաղաքը լինի մաքուր, կարգավորված, որպեսզի անշնորհքություններ չլինեն, անկանոն շինարարություններ չլինեն, առհասարակ իրավախախտումներ չլինեն:
Զեյնալյանի կարծիքով՝ ներկայում Երևանի քաղաքապետարանի լիազորությունները գերկենտրոնացված են, ուստի այդ լիազորություններից շատերը պետք է վերապատվիրակվեն թաղապետարաններին, որոնց նկատմամբ վերահսկողությունը պետք է երևանցին իրականացնի:
«Հանրապետություն» կուսակցության քաղաքապետի թեկնածուն վստահեցրեց, որ ընտրվելու դեպքում Երևանի կառավարման մեջ արհեստական ինտելեկտն են ներդնելու, համակարգերի ինժեներներ են ներգրավելու, որպեսզի ջանքերը բազմապատկվեն։
Մանրամասները՝ տեսանյութում։
