15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ուկրաինայում պատերազմի մեկնարկից ի վեր եվրոպական ընկերությունները 100 մլրդ եվրո են կորցրել․ FT
Քաղաքականություն
07.08.2023 | 21:15
Ուկրաինա ռուսական լայնամասշտաբ ներխուժումից ի վեր ՌԴ-ում գործունեություն ծավալող եվրոպական ընկերությունների ուղիղ վնասները կազմել են առնվազն 100 մլրդ եվրո։ Այս մասին հայտնում է Financial Times-ը՝ վկայակոչելով 600 խոշորագույն ընկերությունների ֆինանսական հաշվետվությունները, գրում է Meduza-ն։
Լրատվամիջոցի տվյալներով՝ 176 եվրոպական ընկերություններ բախվել են ակտիվների արժեզրկման, «փոխանակման հետ կապված ծախսերի, ինչպես նաև բիզնեսի վաճառքի, փակման կամ կրճատման հետ կապված ծախսերի» խնդիրների։
Ամենամեծ կորուստները կրել են էներգետիկ ընկերությունները։ Մասնավորապես, BP-ն, Shell-ը և TotalEnergies-ը, ընդհանուր առմամբ, կրել են 40,6 մլրդ եվրոյի վնաս: Սակայն նրանց հաջողվել է դրանք ծածկել նավթի և գազի բարձր գներից ստացված շահույթի շնորհիվ։
Ֆինանսական ընկերությունները ևս խոշոր վնասներ են կրել, այդ թվում՝ բանկերը, ապահովագրական ու ներդրումային ընկերությունները։ Նրանք կորցրել են 17,5 միլիարդ եվրո։ Ավտոարտադրողները կրել են 13,6 մլրդ եվրոյի վնաս։
Ըստ լրատվամիջոցի տվյալների՝ եվրոպական ընկերություններից ամենաշատը տուժել են բրիտանականները, որոնք կորցրել են ավելի քան 30 մլրդ եվրո։ Երկրորդ ու երրորդ տեղերում են գերմանական ու ֆրանսիական ընկերությունները, որոնք միասին կորցրել են 40 մլրդ եվրո։ Մեծ վնասներ են կրել նաև Իտալիայից, Իռլանդիայից ու Դանիայից ընկերությունները։
Էմմա Չոբանյան
