26.06.2026 | 15:20
Պեսկովը հայտարարել է, որ ԱՄՆ-ը բացարձակ չեզոք չէ Ուկրաինայի հակամարտության հարցում
Կարևոր է ապահովել Լաչինի միջանցքում ազատ տեղաշարժն ու բավարարել մարդկանց հումանիտար պահանջները․ ՆԱՏՕ-ն՝ Արցախում ճգնաժամի մասին
Քաղաքականություն
04.08.2023 | 16:45
Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան անդրադարձել է Ադրբեջանի կողմից Արցախում ստեղծված հումանիտար աղետին։
«Խորապես մտահոգված եմ Լաչինի միջանցքի շուրջ ստեղծված վատթարացող իրավիճակի կապակցությամբ: Առանցքային է ապահովել տեղաշարժի ազատությունն ու բավարարել հրատապ հումանիտար կարիքները: ՆԱՏՕ-ն կոչ է անում բոլոր շահագրգիռ կողմերին կրկնապատկել իրենց ջանքերը՝ Հայաստան-Ադրբեջան համաձայնության հասնելու համար»,- գրել է Կոլոմինան թվիթերյան իր էջում։
Հավելենք, որ հուլիսի 26-ից Հայաստանից ուղարկված առաջին անհրաժեշտության ապրանքներով 19 բեռնատարները կանգնած են Կոռնիձորի սահմանային հատվածում, որոնց Բաքուն չի թողնում հասցնել պաշարման մեջ գտնվող Արցախ։ 19 բեռնատարները բեռնված են 60 տոննա շաքարավազով, 40 տոննա ձեթով, 100 տոննա ալյուրով, 80 տոննա մակարոնեղենով, 20 տոննա աղով, 12 տոննա մանկական սնունդով, 40 տոննա կաթի փոշիով, 9 տոննա դեղորայքով։
Էմմա Չոբանյան
