18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Պուտինը հայտարարել է, թե Լեհաստանը «ծրագրում է օկուպացնել Ուկրաինայի տարածքը»
Քաղաքականություն
21.07.2023 | 17:15
Վլադիմիր Պուտինը ՌԴ Անվտանգության խորհրդի անդամների հետ հանդիպման ժամանակ հայտարարել է, թե Լեհաստանը ծրագրում է օկուպացնել Ուկրաինայի տարածքը։
«Ինչ վերաբերում է լեհ առաջնորդներին, ապա նրանք, հավանաբար, ակնկալում են ՆԱՏՕ-ի հովանու ներքո ինչ-որ կոալիցիա ստեղծել և ուղղակիորեն միջամտել Ուկրաինայի հակամարտությանը, որպեսզի հետո ավելի հաստ կտոր պոկեն իրենց համար և վերականգնեն, ինչպես իրենք են կարծում, իրենց պատմական տարածքները՝ այսօրվա Արևմտյան Ուկրաինան»,- հայտարարել է Պուտինը։
«Ներկայիս Լեհաստանի արևմտյան տարածքները Ստալինի նվերն են լեհերին, Վարշավայի մեր ընկերները մոռացե՞լ են այս մասին: Մենք ձեզ կհիշեցնենք»,- հավելել է ՌԴ նախագահը։
Նախկինում Պուտինը խոսում էր խորհրդային իշխանությունների տարածքային «նվերների» մասին պնդումներից՝ արդարացնելու Ղրիմի բռնակցումը և Ուկրաինա ներխուժումը։
